ليه بعمل اعلانات ومش بتحقق المبيعات اللى متوقعها ؟

بعا السؤال ده من اكتر الاسئلة اللى بنتسئلها طول عمرنا والاجابة عليه مينفعش تتلخص فى نقط مباشرة لان العوامل اللى بتاثر على قرار الشراء كتير جدا , واتكلمنا فى نقط مهمه منها ومازلنا بنتكلم فى النقاط الباقية وبنحاول نوصل الفكرة كلها

اتكلمنا ازاي قبل ما ابدا تسويق اظبط عناصر المزيج التسويقي ال 7Ps فى مقالة المزيج التسويقي 

واتكلمنا بعد بداية الحملة التسويقية عن اهمية الاستمرار وانك تدي العميل كل اللى هو محتاجه فى مراحل اتخاذ القرار فى مقالة رحلة المشتري

وهنتكلم النهارده عن نقطة تانية مهمة جدا وهي التنوع واذا اقدر استفيد من التطور اللى حصل فى الفترة الاخيرة فى منصات التسويق الالكتروني علشان احقق التنوع اللى يزود فرص نجاحي فى البيع Online

بعض الناس بتتصرف كأن الاعلان فى حد ذاته على السوشيال ميديا بياع بصرف النظر عن المنتج فنلاقيه مثلا بيجمع المنتجات الراكده عنده فى المحل ويعمل بيها اعلان على امل ان الاعلان يبيعها ويخلصه منها … ومفكرش خالص ان المنتجات دي راكده لسبب هو ان الناس اللى شافوها مش محتاجينها او مش عايزين يشتروها وطبيعي ده اللى هيحصل Online برضوا وحجم مبيعاتك منها هيبقى مخيب للامال

او واحد تانى يروح يجيب منتج واحد ويبنى عليه كل الحملة الاعلانية فيحصل معاه زي ما بيحصل على ارض الواقع ان العميل يدخل ويتفرج وياخد فكرة وبعدين يطلع عند حد تانى عنده تنوع اكتر وخيارات اكتر تساعده على اتخاذ القرار

المقصد من كلامنا هنا ان سلوك العميل Online لا يختلف كثيرا عن سلوكه Offline , فى الحالتين العميل بيحب يوصل للمنتج المميز والتاجر اللى يوفرله تنوع يشبع احتياجاته ويبقى عنده اختيارات متعددة ترضي زوقه

مؤخرا ومع زيادة الاقبال علي التجارة الالكترونية بسبب ازمة #كورونا منصة زي ال Facebook عملت تطوير كبير فى احدي ادواتها علشان تحقق الهدف ده اللى هو ” اظهار التنوع عند التجار ” لان الموضوع فعلا مؤثر جدا على نجاح عمليات البيع

الاداة اللى بنتكلم عنها هي ال Shop

1. نقدر من خلال ال Shop اننا نعرض كل المنتجات بتاعتنا ونحدد مواصفات كل منتج واسعاره ونستخدم المنتجات المعروضه فى الاعلانات فنوفر للعميل تنوع كبير يقدر يشبع احتياجاته
2. نقدر نستقبل طلبات العميل على ال Messenger على طول وندير الطلبات من هناك او نربط ال Shop بالويب سايت بتاعنا ونستفيد من كل الادوات اللى Google بتقدمهالنا للمتاجر الالكترونية ” ودي لوحدها عايزه مقالة كبيرة “

الخلاصة اننا لازم نوفر التنوع المناسب علشان نقدر نجذب عدد اكبر من العملاء سواء باستخدام ال Shop او الويب سايت او غيره من الاساليب فالمجال هنا مفتوح للابداع فى الطريقة اللى تشوفها الانسب لعرض منتجاتك واشباع احتياجات عملائك

follow us in LinkedIn :

موضوعات ذات صلة :-

• وسائل التسويق عبر محركات البحث (SEO & SEM)
• كيف أسوق منتجاتي عبر الإنترنت بطريقة ناجحة
• كيفية عمل خطة تسويقية ناجحة لمنتج جديد
• عناصر المزيج التسويقي 7p’s ودورها في تسويق منتجاتك